迪士尼樂園開返喇！
餓咗咁耐，當然要同朋友仔去返轉啦！
天氣真係好熱☀️，就算我哋成4pm先入場，但係喺33度高溫下一樣溶哂，不過換來小朋友嘅快樂😁都係值得嘅❣️
星期一入園人唔算多，好多遊戲基本上都可以直入或等5-10分鐘，不過小飛象🐘同旋轉木馬🎠就好多人排，目測起碼要排半個鐘，所以我哋放棄咗。
而商店唔知係唔係因為有好多貨品減價關係🈹，人都幾多下，不過都冇6折時咁多人嘅。好多貨品低至4折，另外買滿指定金額亦都可以加錢💸換購商品。見到有好多新款貨品都有折扣優惠，迪士尼迷真係要去逛逛🛍。
用餐方面🍴，會員於園內大部份餐廳都可享有買一送一優惠，優惠直至7月31日。不過大街餐廳不適用，而且餐廳要預約定啊❣️
即日起至2020年8月11日，於指定餐廳或商店消費每滿港幣$50即可獲印花3個。集齊6個印花可加錢換購迪士尼儲物箱。集齊50個印花，就可以免費換領迪士尼儲物箱一個🎁。不過問過職員因為太多人換，暫時冇貨。
由於疫情關係🦠，會員卡嘅到期日會延長164日，大家可以去顧客服務中心貼返個到期日貼紙，方便知道幾時到期。另外入園滿10次送嘅襟章都已經返貨喇，未換嘅可以順便換埋呀！
因為疫情仲未完結，所以樂園會有人流限制，大家入園前記得要網上💻預約定啊！
香港迪士尼樂園 | Hong Kong Disneyland
#迪士尼 #親子好去處 #奇妙處處通 #入園懶人包
Search